عشان الأون لاين ماركتنج بحر كبير ... وفيه مجالات وطرق كثير ... الدليل ده هيختصر وهيلم الكلام ده كله فى كام سطر وكام لينك ... طبعاً مش هما دول اللى هيخلوك تبقى محترف , لكن دى البداية اللى هتعرفك تختار أنهى طريق تمشى فيه ... إتفقنا ؟ يلا بينا
فروع الأون لاين ماركتنج الرئيسية كالتالى :-
1 . Search Engine Optimization
2 . Social Media Marketing
3 . Search Engine Marketing
4 . Email Marketing
5 . Video Marketing
6 . Copywriting
لنفترض انك عندك موقع جديد وعايز تكسب فلوس منه ... خد بالك إنى بقول لنفترض هتحتاج تتعلم ايه وتمشى ازاى ؟ بص يا سيدى حقناً للدماء وإختصاراً للوقت هلملك الليلة كلها فى 5 دقائق سيب اللى فى ايدك وركز أو ركزى معايا ...
موقعك عشان يدخله فلوس أى كان مجال امه ايه ... محتاج ناس تدخله وعشان الناس تدخله لازم تعرفه , والناس عشان تعرفه لازم يشوفوه , وعشان يشوفوه لازم يظهرلهم
• يظهرلهم إزاى ومحدش يعرفه غيرك ... قدامك 4 طرق •
1 . تتعلم SEO ولما الناس تعمل سيرش فى جوجل على كلمة " اى حاجة فى رغيف " يطلعلهم الرغيف بتاعك ... أقصد الموقع بتاعك فى اول صفحة فى السيرش فا يدوسوا عليه ويشوفوا الموقع بتاعك
2 . تتعلم SMM وتفتح بيدج عالفيس بوك وتجيب اتنين صحابك دماغهم نضيفة يشتغلوا معاك وتنزل محتوى كويس وصور و أخبار وتراعى انك دائماً تبقى متابع مع الناس الأحداث اللى تهمهم أول بأول , ساعتها تقدر تبتدى تحط لينك موقعك مع الحاجات اللى بتنزلها وبناء عليه الناس هتبتدى تشوف موقعك الجميل
3 . تتعلم أو تجيب حد بتاع SEM وتديله فلوس ويعملك حملة إعلانية مدفوعة الأجر , الموضوع مش مكلف أوى لو انت عارف عايز ايه تحديداً , انت أهم حاجة لازم تعرفها فى موضوع حملات جوجل أددوردز ده إن الزائر اللى بيدخلك بفلوس إنت لازم تجيبه تانى مجاناً , لو موقعك مقدرش يعمل ده هتعيش طول عمرك بتكع فلوس
4 . الطريقة الأكثر متعة هى الـ VM الفيديو ماركتنج , قناة حلوة كده على اليوتيوب بتحط عليها فيديوهات بتهم الناس اللى فى نفس مجال موقعك , وتحط اللينك فى الديسكربشن أو فى الفيديو نفسه , الفيديوهات هى أكثر حاجة قابلة للإنتشار على الإنترنت مع شوية معلومات بسيطة عن الـ Video Editing هتعمل شغل زى الفل
No comments:
Post a Comment